कोरोना अत्यधिक प्रभावित राज्यबाट न्युयोर्क, न्युजर्सी र कनेक्टीकट भित्रिनेहरु क्वारेन्टाइनामा बस्नु पर्ने उलंघन गरेमा १० हजारसम्म जरिवाना

दूरबिन नेपाल     ११ असार २०७७, बिहीबार १३:३१    

Anil Baral Real Estate

दूरबिन नेपाल, न्युयोर्क
कोरोना प्रभावित राज्यबाट न्युयोर्क, न्युजर्सी र कनेक्टीकटमा भित्रिनेहरुले अनिवार्य क्वारेन्टाइनमा बस्नुपर्ने नियम लागु भएको छ । जुन २४ तारिख रातीबाट लागु भएको नियमानुसार कोरोना भाइरसबाट अत्यधिक प्रभावित राज्यहरु फ्लोरिडा, टेक्सस, उटाह, नर्थ क्यारोलाइना, साउथ क्यारोलाइना, अर्कान्सास, एरिजोना,अलाबामा र वाशिङ्टनबाट न्युयोर्क, न्युजर्सी र कनेक्टीकट भित्रिनेहरुले १४ दिन अनिवार्य क्वारेन्टाइनमा बस्नुपर्ने नियम लागु भएको होे । जुन २४ तारिख बुधबार न्युयोर्कका गर्भनर, एण्ड्र्यु कुमो, न्युजर्सीका गभर्नर फि मर्फी र कनेक्टीकटका गभर्नर नेड लामोन्टले संयुक्त रुपमा सो आदेशको घोषणा गरेका हुन ।

उलंघन गरेमा १० हजार सम्म जरिवाना
यो आदेशको उलंघन गर्नेहरु उपर कानुनी कारवाही र जरिवाना हुने समेत बताइएको छ । न्युयोर्कका गभर्नर एण्ड्र्यु कुमोले गरेको नियमित प्रेस ब्रिफिङमा क्वारेन्टाइनमा बस्नुपर्ने नियमको उलंघन गरेमा २ हजार, ५ हजार र दश हजार सम्म जरिवाना तिर्नुपर्ने बताए । यात्रा एडभाइजरी बेला बेलामा अपडेट हुने र सो प्रभावित राज्यहरुमा कोरोनाको अवस्थाको तथ्यांकको आधारमा अद्यावधिक गरिने बताइएको छ । न्युयोर्क, न्युजर्सी र कनेक्टीकट राज्य एक अर्कासंग नजिक भएका र एक राज्यमा पर्ने असरले अर्कोलाई प्रभावित पार्ने हुंदा संयुक्त रुपमा यस्तो आदेश जारी गरिएको न्युयोर्कका गभर्नर कुमोले जनाएका छन । कोरोना भाइरसको महामारीमा तीनवटै राज्यले संयुक्तरुपमा कार्य गरेकोले सकारात्मक परिणाम आएको र फेरी यो महामारीको चपेटामा नपर्नका लागि यस्तो आदेश जारी गर्नुपरेको जनाइएको छ । अनिवार्र्य क्वारेन्टाइनको आदेश १० प्रतिशत फैलदो दर भएका राज्यहरुका हकमा जारी गरिएको र तथ्यांकका आधारमा राज्यहरुको संख्या घटवढ हुन सक्ने बताइएको छ । न्युयोर्कमा कोरोना भाइरसको प्रभाव अत्यधिक भएको बेला फ्लोरिडा राज्यलेपनि न्युयोर्कबाट भित्रिनेहरुलाई अनिवार्य क्वारेन्टाइनमा बस्नुपर्ने नियम लागु गरेको थियो ।
पछिल्लो समयमा न्युयोर्कमा कोरोना भाइरसको प्रभाव निकै कम हुंदै गएको छ । नयां संक्रमित, अस्पताल भर्ना हुने र मृतकको संख्यामा भारी गिरावट आउदै गएको छ । त्यसैगरी अमेरिकाका २३ राज्यहरुमा कोरोना प्रभावितको संख्यामा बृद्धि हुंदै आएको छ भने २१ राज्यहरुमा अस्पताल भर्ना हुनेहरुको संख्यामा पनि बृद्धि हुदै गएको छ ।

PlutonicTech

११ असार २०७७, बिहीबार १३:३१ मा प्रकाशित